Shiorimiz:   Fikr - yaxshilik va yomonliklarni ko'rsatadigan oynadir                                     

Yangiliklar 
Qur'oni karim
Hadisi sharif
Fiqh 
Islom tarixi
Tahlil
Iqtisod va huquq 
Juma mav'izalari 
Jannat qushchalari 
Islom va ilm 
Davolaninglar
Odam va Havvo 
Mazhablar 
Dinda savolim bor... 
Kutubxona 
Sharq bozori
Imîm Buõîriy
Statistika 
G'arbda Islom
O'zbekiston va Islom
Yilnoma 
Taklif  va munosabat 
Islomiy saytlar
Tanishuv
Namoz vaqti 
Mehmonxona 
Valyuta kursi 
 

 

                                       11 ìart yangiliklari

                                       Qur`on Universitetida bayramona kayfiyat

      Sudanning Ummu Durmon mintaqasida joylashgan Qur`on Universiteti o`zining faoliyati davomida mazkur dargohni tugallab, doktorlik, magisrt va bakalavrlik darajalarini10 000 talaba qo`lga kiritganligini rasman nishonladi. Mamlakat prezidenti maslahatchisi prof. Imom Ahmad Ali al-Imom janoblari talabalarni tabriklab, Allohning kalomini dunyoga keng yoyishda mazkur universitetning faol rolini faxr bilan tilga oldi. Talabalarning burchlarini, ilm va jamiyat oldidagi ularning mas`ul ekanliklarini zikr qildi. Ayni vaqtda universitetning 8 ta kolleji va mamlakatning turli mintaqalarida joylashgan13 ta maxsus shaxobchalari mavjud bo`lib,  20 000 talaba va 400 ta o`qituvchi faoliyat ko`rsatadi.

                                        Muqaddas diyorda Umra mavsumi

      Hijriy 1526 ( milodiy 2005) safar oyining birinchi kunidan joriy yil uchun Umra ibodati boshlanadi. Dunyodagi barcha Saudiya elchixonalari mazkur ibodatga hozirlanayotganlarga vizalar berishni boshlab yubordilar. O`tgan yili Umra ibodatiga 3 mln. ziyoratchilar kelishgan, ularning aksariyati Saudiya Arabistoni, Misr, Eron va Pokiston davlatlaridan tashrif buyurishgan.

                             Yaponiyadagi Islom Institutida bitiruv kechasi

        Saudiya Arabistonidagi Muhammad ibn Saud Islom Universitetiga qarashli Yaponiya poytaxti Tokio shahrida faoliyat ko`rsatayotgan Arab Islom Institutida arab tili kurslarini tamomlagan beshinchi va oltinchi guruh talabalarining diplom olishiga bag`ishlangan bitiruv kechasi bo`lib o`tdi. Bitiruvchilarning aksariyati Yaponiyaning boshqa universitetlarida ta`lim olayotgan yaponiyalik talabalardan iborat. Mazkur kechaga imom Muhammad Universitetining rektori dok. Muhammad as-Salim, Tokio shahri hokimligining noibi va bir qator Yaponiya rasmiylari ishtirok etishdi. Eslatib o`tish kerakki,  o`quv kursi hattotlik, notiqlik, she`riyat va yozuv bo`yicha musobaqalardan iborat edi.

                                 Nigeriyada Islom Agentligi tashkil etildi

      Xalqaro Islom Axborot Agentligining xabar berishicha, Abudjada ko`chmas mulk bo`yicha brirnchi insonparvarlik Islom Agenligi tashkil etildi. Avvalambor, bu agentlik mahalliy musulmonlarga, jumladan, nafaqaxo`rlarning turmush sharoitlarini yaxshilashni o`z oldiga maqsad qilib qo`ygan.

      Bevosita bu tashkilotning qurilishida ishtirok etgan “Qurilish jamiyati” kompaniyasining prezidenti Shuayb Solis agentlikning tantanali ochilish marosimida bozordan 4 baravar arzon va imtiyozli narxda sotilayotgan ko`chmas mulkka ega bo`lish uchun 66 ta musulmon oilalaridan arizalar kelib tushgan. Uning so`zlariga ko`ra,  mazkur loyiha tijorat maqsadlarida yo`lga qo`yilmagan bo`lib, balki uni amalga oshirish uchun bir necha Islom tashkilotlari va musilmonlardan iborat Nigeriya muassasalari birlashishgan.

                               Saudiya tomonidan beg`araz yordam 

      Yaman, Afg`oniston, Jibuti, Efiyopiya, Iordaniya va Suriya davlatlariga beg`araz yordam tariqasida Saudiya Arabistonidan 3000 tonna xurmo jo`natilgan. Saudiya qishloq xo`jaligi vaziri dok. Fahd al-G`anim yuqoridagi Islom davlatlarida istiqomat qilayotgan muhtojlarga mazkur hadya ko`mak sifatida berilganligini ta`kidlab o`tdi.

                                  9 mart yangiliklari

                                     Qor ofati

      So`nggi 50 yil ichida Kashmirda kuzatilmagan qalin qor yog`ishi oqibatida 2000 atrofida uylar vayron bo`lib, 300 kishi olamdan ko`z yumgan. Quruqlikdagi yo`llar bekilib qolib, Hindistonga o`tish harakatlari, samolyotlar parvozi bekor qilindi, ba`zi nohiyalardagi aholida oziq-ovqat yeguliklari tamom bo`lgan. Shuningdek, elektr va telefon tarmoqlari faoliyati ham izdan chiqqan. Hindiston hukumati o`sha yerlik aholiga ko`mak tariqasida 50 mln. rupiya ajratib, o`zining yordam harbiy samolyotlarini jo`natdi.


                                  Frantsiya imomlarining o`quv dasturlari

      Frantsiya din ishlari va ichki ishlar vaziri Daminik de Filban mamlakatda faoliyat olib borayotgan 1200 musulmon imomlarining o`quv dasturlarini tasdiqladi. Fikrlariga izoh kiritib, Frantsiya muhiti va undagi muammolarga tegishli bo`lgan barcha voqeliklardan xabardor bo`lib turishlari maqsadida mamlakat qonun-qoidalari va frantsuz tilini o`rganishga qaratilgan imomlarning o`quv dasturlarini vazirlik ma`qullab, bunday dasturlardan ham musulmonlarga, ham musulmon bo`lmaganlarga tegishli bo`lgan huquq va burchlar o`rin olganligini aytib o`tdi.
      Vazir janoblari Frantsiya rasmiylari va mamlakat musulmonlari o`rtasidagi aloqalarni tartibga solish vazifasi bilan shug`ullanadigan bir Islom robitasini ta`sis etish xususida Frantsiya musulmonlari ishlari bo`yicha hay`at a`zolari bilan kelishib olganligini eslatib o`tdi.


                   Erondagi zilzila jabrlanuvchilariga yordam davom etmoqda

      Karmanadagi Zarand shahrida sodir bo`lgan zilzila jabrlanuvchilariga umum Qatar komiteti o`zining yordamlarini jo`natdi. Xayriya ishlari bo`yicha Qatar komiteti boshqaruv komissiyasi raisi Abdulaziz ibn Abdirohman Ali Soniy yordam dori-darmon, ko`rpa-to`shak, oziq-ovqat mollari, quruq sut va xurmolardan iborat ekanligini va bular zilzila bo`lgan mintaqaga Qatar transport vositalari bilan yetkazilganligini matbuot konferentsiyasida aytib o`tdi.
      Barcha zarar ko`rgan aholiga yordam yuklarini yetkazishda Eron va Qatar qizil yarim oy jamiyatlari o`zaro hamkorliklarini taklif etganliklarini ham yig`ilshda alohida ta`kidlab o`tdi. Sizga ma`lumki, 12 kun oldin ro`y bergan zilzila 6,4 ballni tashkil etgan edi.

                                      Islom davlatlari o`rtasidagi hamkorlik 

      Kecha 8 mart kuni Eron poytaxtida Islom davlatlari o`rtasidagi aloqa, hamkorlik va muloqotlarni mustahkamlashga qaratilgan Islom Konferentsiyasi Tashkiloiga a`zo davlatlarning maxsus komitet yig`ilshi boshlandi. IKTning bosh direktori prof. Akmaliddin Ehson o'g`lining taklifiga binoan, Jiddadan siyosiy ishlar bo`yicha bosh sekretar yordamchisi prof. Izzat Komil muftiy hazratlari ham tashrif buyurdi. Ayni vaqtda Komil muftiy majlisdagi 3-yuqori darajali mehmon hisoblanib, Eron Islom Respublikasi tomonidan ham alohida hurmat bilan kutib olindi. Yig`ilish marosimini muftiy janoblari komitet faoliyatlariga bag`ishlangan nutq bilan ochdi va majlisga Eron tashqi ishlar vaziri dok. Kamol Xarroziy raislik qiladigan bo`ldi. Shuni ta`kidlash kerakki, ushbu komitet 1997 yil Eronda o`tgan 8-Islom oliy uchrashuvi qarori bilan tashkil etilgan edi. 

                                       7 mart yangiliklari

                             Britaniya musulmonlari saylov qarshisida

      www.fikr.uz axborot bo`limining avval xabar berganidek, kelayotgan seshanba kuni Britaniya rasmiylari yaqinlashib kelayotgan saylov masalalari bo`yicha mamlakatdagi musulmonlar bilan uchrashuvni kutishmoqda. Mazkur yig`inni Britaniya Musulmonlar Assotsatsiyasi (BMA) uyushtirmoqda. Assotsatsiya musulmonlarning ovoz berishi mamlakatdagi kamida 50 ta saylov uchastkalaridagi natijalarda o`z ta`sirini o`tkazishidan xabardordir.
      BMA vakili dok. Aziz Tamimining gaplariga ko`ra, bu yig`ilshdan maqsad hech bir partiyga qarshi borish emas, balki musulmonlarni qiziqtiradigam masalalar borasidadir. Bu yerda musulmonlarga tegishli bir qancha masalalar borki, ularga ovoz berishga umuman olganda musulmonlar rozi, lekin o`sha muammolarni qay yo`l bilan yechilishi ularni qiziqtiradi.
      Ayni vaqtda Britaniyada 1,6 mln. musulmon bor bo`lib, ularning 1,1 mln.ni ovoz berish yoshidadir. O`tgan saylov natijalari shuni tasdiqlaydiki, musulmonlarning ko`pchiligi leyboristlarga ovoz berishgan, ammo keyingi paytlarda bu partiya obro'si musulmonlar orasida biroz tushgandir.

               Qur`on tilovati bo`yicha harbiylarning 3-xalqaro musobaqasi

      Xalqaro Islom Axborot Agentligining (XIAA) Ar-riyod xabar berishicha, Saudiya Mudofaa ishlari vaziri qirol Abdulaziz janoblarining mukofoti uchun 7 kun davom etishi mo`ljallanayotgan va 17 davlatdan tashrif buyurishi kutilayotgan harbiylarning Qur`on tilovati bo`yicha 3-xalqaro musobaqasi bo`lib o`tadi. Musobaqadan ko`zlangan maqsad harbiylar o`rtasida ham muqaddas Qur`on va uning ma`naviy tarbiyasini keng yoyishdir.
Musobaqa 4 yo`nalishda bo`lib, har bir yo`nalishga 5 ta katta mukofot qo`yilgan.
      1-yo`nalish: Qur`onni to`liq, tajvid bilan tilovat qilish.
      2-yo`nalish: Qur`onning 20 porasini tajvid bilan tilovat qilish.
      3-yo`nalish: Qur`onning 10 porasini tajvid bilan tilovat qilish.
      4-yo`nalish: Qur`onning 5 porasini tajvid bilan tilovat qilish

                      350 meksikalik hindular Islomni qabul qilishdi

      2005 yilning dastlabki ikki oyida Meksikaning turli shaharlarida mamlakat asl hindu aholisidan 350 kishi Islom dinini qabul qilgan. "Islom uyg`onishi" tashkilotining vakili Aymand Rodriges-Abu Ahmadning gaplariga ko`ra, poytaxtning o`zida 155 kishi ilohiy ne`matdan bahramand bo`lgan.
      "Ularning aksariyati hindular bo`lib, yoshlari turlichadir", deb davom etadi Aymand. O`sha yangi musulmonlarning ko`pchiligi avval turli dinlarga e`toqod qilishgan.
Yana qo`shimcha qilib deydiki: " O`tkan yilning so`nggida potaxt Mexiko-Sitida joylashgan 2 ta maxsus diniy muassasada bolalar muqaddas Qur`onni o`rganish uchun kirishishgan. BMT ma`lumotlariga qaraganda, mamlakat aholisining 1,2 % ini musulmonlar tashkil etib turibdi.

                 Afg`oniston shia va sunna ulamolarining Tehronda yig`ilishi

      Chorshanba kuni Eronning Tehron shahrida boshlangan Afg`oniston shia va sunna ulamolarining navbatdagi 13-yig`ilishi 4 mart kuni o`z nihoyasiga yetdi. Mazkur yig`ilish Islom olami va Afg`oniston bilan bog`liq muammolarning muhim jihatlari borasida rejalar tuzish, fikr almashish uchun suhbat tariqasida 12 yildan beri uyushtirilib kelayotgan va ta`sir doirasi keng bo`lib, ko`plab ulamolarni yig`a olgan xalqalardan biridir. Mazkur majlis konstitutsiyani mustahkamlash, "loyijirg`a", ichki nizolar, Afg`oniston tanazzuli va mamlakatdagi boshqa muammolarga yechim sifatida bir qancha muhim mexanizmlarni taklif etdi.
      Ko`plab eronlik yuqori darajali rasmiylar va din arboblari tashabbusi bilan boshlangan ushbu yig`ilish 3 kun davom etdi. Yig`ilishda Afg`oniston va qo`shni davlatlar, fuqarolar taqdirida yangi Afg`oniston konstitutsiyasi, Afg`onistonning siyosiy rivojlanishida partiyalar va ularning tutgan o`rni va h. mavzularda suhbatlar davom etdi. 

                                                  3 mart yangiliklari

                        Malayziya bosh vaziri: "Fitnaning oldi olindi"

Islom axborot agentligining Kuala Lampurdan xabar berishicha, Malayziyadagi dinlar o’rtasida mavjud qarashlarni tartibga solish komiteti tashkil etgan munozarani bekor qilishga qaratilgan mamlakat bosh vaziri Abdulloh Ahmad Badaviy janoblari tomonidan qaror qabul qilingan. Chunki buning oqibatida mamlakatda diniy kurashlar va nizolar eshigiga yo’l ochilishi ehtimoli borligi sabab qilindi. Buning o’rniga esa dinlar o’rtasida suhbat-muloqotlar uyushtirishga chaqirdi. Komitet taklif qilgan munozara tartibi quyidagicha edi: bir musulmon o’zga dinlardan birining kamchiliklarini topib, uni e'lon qiladi. Va ayni vaqtda o’zga din vakili chiqib, o’z dinini himoya qiladi. Tabiiyki, bu holat  dinga e'tiqod qiluvchilar va millatlar o’rtasida kek, nafrat va kurashlarning avj olishiga olib kelishi mumkin.     

           Pokiston bosh vaziri musulmonlarni hamjihatlikka chaqirdi

 Pokiston bosh vaziri Shavkat Aziz islomiy mazhablarga e'tiqod qiluvchilar o’rtasida birodarlik va hamjihatlikni mustahkamlashga chaqiruvchi da'vatlar bilan chiqdi. Ayniqsa, bosh vazir janoblari Islomning tinchliksevar, mehr-shafqat dini ekanligini yanada namoyon qilish kerak, deydi. «Islom dini faollik va shijoat dinidir. Bu muqaddas din haqida g'arbda  kezib yurgan salbiy fikrlarni go’zal suratda to’g'rilash ham musulmonlarning, ham ulamolarning burchlaridir», deb fikrlarida davom etadi bosh vazir.

Pokiston prezidenti Parviz Musharrafning «yorqin mo'tadillik» shioriga ishora qilib,  bundan maqsad Islom dini borasidagi salbiy fikrlarga barham berish va G'arbda go’zal tushunchalarning yuzaga kelishiga  harakat qilishdir, deb izoh kiritadi. Turli mazhabdagi musulmonlar va ulamolarni birlik va hamjihatlikka chaqira turib bosh vazir dediki: "Pokistondagi har bir inson mustaqil bo’lib, u hech qanday majburiyatsiz xohlagan diniga e'tiqod qilishi mumkin. Ma'lumki, Pokiston hukumati bir necha yillardan beri Al-Qoida tarafdorlarining terroristik va mutaassib guruhlarining qonli kurashlariga guvoh bo’lib kelmoqda".

 Zindor shahrida sodir bo’lgan zilzilaga birinchi qur yordami jo’natildi

 Rasmiy xabarlarga qaraganda, Jazoir hukumati Eronning Zindor shahrida ro’y bergan so’nggi zilzila jabrlanuvchilariga yordam tariqasida chodir tikuvchilar, dori-darmon va oziq-ovqat mollaridan iborat 28 tonna yukdan iborat birinchi qurni (partiya) yordam sifatida junatgan. Jazoir tashqi ishlar vazirligining  yuqori darajali delegatsiyasi Eron xalqiga o’z ta'ziyalarini izhor qilish maqsadida ushbu yordam yukiga hamrohlik qilib ketdi. Jazoir prezidenti Abdulaziz Butafliqa va yuqori darajali mamlakat rasmiylari Eron va Jazoir o’rtasidagi aloqalarning birodarlik va strategik ahamiyatini ko’p bor takrorlashib, barcha sohada bu aloqalarni mustahkamlash kerakligiga urg'u qaratishdi.  

            Dubayda ingliz tilida islomiy radio o’z faoliyatini boshlaydi

 «Islomga bag'ishlangan ingliz tilidagi radio stansiyasining faoliyat boshlashi Dubay Radio Tarmog'ining (DRT) rejalarida bor edi», deydi DRT kompaniyasining rahbari Abdullatif sa-Sayyih. «Biz hozir radio stansiyasining so’nggi ishlarini tugatmoqdamiz va umid qilamizki, yaqin oylarda islomiy kanalni ishga tushiramiz. Bu o’ta zamonaviy ruhda bo’lishi bilan bir qatorda, yosh avlodga mo'ljallangan hamdir. Mazkur radio stansiyasi musulmonlarga ham, musulmon bo'lmaganlarga ham xizmat ko’rsatadi. Mana shunday stansiyaga ko’pdan beri ehtiyoj bor edi. Biz malakali mutaxassislari bilan hamkorlik qilib, yaqin kunlarda faoliyatimizni boshlaymiz», deb qo'shimcha qiladi kompaniya boshlig'i. Bundan xabar topgan dubaylik mahalliy aholi radio stansiyasiga tashrif buyurib, mazkur yangilik Islom haqida ko’proq ma'lumotga ega bo’lmoqchi bo’lgan musulmonlarga ham, musulmon bo'lmaganlarga ham ko’p foydasi borligini aytishdi. 30 yoshlar atrofida bo’lgan bir livanlik tadbirkor menejeri  Adnan T. ingliz tilidagi islomiy radio stansiyasi ba'zi xorij ommaviy axborot vositalarida keng tarqab borayotgan bu muqaddas din borasidagi tushunmovchiliklarga chek quyilishiga ham o’z yordamini beradi, ayniqsa, bunday kanal ko'p madaniyatli jamiyatlardan iborat BAA kabi davlatlarda uning ta'siri musulmonlardan ko’ra musulmon bo’lmaganlarga qaratilgandir,  deb o’z fikrini beradi.  Ko’p yillardan beri BAAda ishlab kelayotgan frantsuz ayoli Verjiniya xonim: «Bu radio stansiyasi o’z faoliyati bilan musulmon bo’lmagan muhojirlar o’rtasida Islomning sofligini tushuntirishda yordam berib, diniy bilimning o’sishiga olib keladi», desa, 33 yoshli avstraliyalik uy bekasi: «Bu nihoyatda ajoyib bir tashabbus bo’lib, ijtimoiy va diniy ta'lim-tarbiya uchun ayni muddaodir. Men ba'zan qo’shnilarim bilan islomiy mavzulardagi suhbatlarda ishtirok etishga qiynalib qolaman. To’g'risini aytganda, ingliz tilidagi axborot kanalidan Islom dini borasida chuqurroq ma'lumot olmoqchiman», deydi. Olimlardan biri Ismoil Abdulloh: «Islom shunday radio stansiyasiga muhtojdir. O’zim o’rganib chiqqan so’nggi tahlillar shuni ko’rsatmoqdaki, Dubayda istiqomat qiluvchi juda ko’plab musulmon bo’lmagan g'arbliklar bu yerda  Islomga bag'ishlangan bironta radio kanali yo’qligiga amin bo’lishgan», dedi. Olimnnig fikrlariga ko’ra, bu stansiya Islomni endi qabul qilgan yangi musulmonlarga o’zlarining dastlabki taassurotlarini tashqi auditoriya bilan o’rtoqlashishga ham ko’mak beradi.

________________________________________________________

                         Xitoy Islom olami bilan aloqalarni yaxshilamoqchi

      Xitoy diniy ishlar vaziri janob Kitaya Ye Syaven rasmiy tashrif bilan Misr arab respublikasiga tashrif buyurdi. Janob Kitaya Ye Syaven aytishicha, Islom samoviy  dindir, u tsivilizatsiyaga juda ham katta hissa qo'shgan va qo'shib keladi ham. Xitoy o'zining bir qancha talabalarini Misr, Birlashgan Arab Amirliklari, Pokiston va boshqa mamlakatlarga malaka olish uchun yubordi. Shu bilan bir qatorda Xitoyda juda ham ko'plab Islom diniga bag'ishlangan kitob va jurnallar chop qilinmoqda. Janob Kitaya Ye Syaven aytishicha, tez kunlarda maxsus radio stansiyasi ochilish arafasida ekan. Unda Islom va boshqa dinlar haqida  eshittirishlar qo'yilar ekan.

                  Karmanada sodir bo'lgan zilzila qurbonlari soni ortib bormoqda

      Islom axborot agentligining xabarlariga ko'ra, chorshanba kuni janubiy-sharqdagi Karmanada sodir bo'lgan zilzila qurbonlari soni quyidagicha: 550 atrofida vafot etganlar, 1500 dan ortiq jarohatlanganlar aniqlangan.
      Karmana viloyatining Zindor va boshqa mintaqalarida ro'y bergan zilzila 6,4 ballni tashkil etgan. Karmana viloyati hokimi Muhammad Ali Karimiy Eron rasmiy televideniyasiga bergan intervyusida deydiki: "Deyarli barcha mintaqalarda telefon tarmoqlari uzilganligi, yo'llarning nosozligi va havoning og'ir kelishi tufayli tog'li mintaqalarda alohida-alohida joylashgan to'rtta rayonlarga borish qutqaruv guruhlarimizga qiyinchilik tug'diryapti".
      Davlat komitetining umumiy aloqalar bo'yicha bosh direktori imom Xominiy Karmana viloyati atrofidagi qishloqlar va Zindor shahrida to'satdan sodir bo'lgan zilzilaga nisbatan komitetning yordam harakatlari borasida fikr yuritib deydiki: "Mazkur komitet tomonidan yuborilgan yordamchilar Karmana zilzilasi tufayli musibatga uchragan aholiga yordam berishni jadallashtirdi. Ularga yordam komiteti tomonidan pechkalar, yopinchiq-choyshablar va chodir tikuvchi maxsus ustalar to'la-to'kis yetkazib berildi. Jabrlanganlarga yordam berish uchun Bum shahridan Zindor shahriga yordam kolonnalari jo'nab ketdi va hatto jabrlanganlarni qayd etish maqsadida Karmanadagi beshinchi o'quv markazidan ham yordam uyushtirildi. Shu bilan birga mintaqadagi tinchlikni saqlab qolish va boshqaruv guruhlarini tashkil etish maqsadida posbonlar guruhi yuborildi".

                      Mecca Cola World jahon bozoriga intilmoqda

      O'tgan yili Frantsiyadan Dubayga ko'chgan Mecca Cola World xalqaro kompaniyasining markaziy offisi jahon bozorida yetakchilikni qo'lga olish uchun BAAdan kurashning boshlang'ich nuqtasi sifatida foydalanishini e'lon qildi. Joriy yilda esa bu yerda zavod qurilishi rejalashtiligan.
      Ayni vaqtda dunyoning 64 mamlakatida Makka kolasi iste'mol qilinmoqda. "Bizning asosiy xaridorimiz Meksika va Braziliya bo'lishi kerak. So'nggi paytlarda biz kuniga yarim milliard ichimlik ishlab chiqarmoqdamiz", deydi Tavfiq Maslous o'zining rejalari borasida. Asta-sekinlik bilan Osiyo bozorlarini ham mazkur kompaniya ichimligi egallab bormoqda. 2008 yilda kompaniya Indoneziyada 8 ta zavod qurishni rejalashtirmoqda. 
Nafaqat Lotin Amerikasi va Osiyoni, balki Yevropa mamlakatlarini ham o'ziga tortayotgan va kompaniya mahsuloti savdosining o'sishiga sabab bo'layotgan tomoni uning global kayfiyatlarga qarshiligidir. 2003 yil Mecca Cola World kompaniyasi 30 million AQSH dollarini tashkil etuvchi taxminan 1 milliard litr atrofida ichimliklarni sotgan. 2004 yilda esa bu ko'rsatkich 25% ga o'sdi.
      Keyingi paytlarda dunyoning bir qancha davlatlarida mazkur kompaniya belgisi ostida soxta mahsulotlarning ko'payishi Makka kolasining nufuzidan darak beradi.

                 IKT bosh direktori matbuot konferentsiyasini uyushtirdi

      Islom axborot agentligining xabar berishicha, Yaman tashqi ishlar vaziri dok. Abu Bakr al-Qurbiy janoblari ishtirokida ushbu vazirlik binosida tashkil etilgan matbuot konferentsiyasida Islom konferentsiyasi tashkiloti bosh direktori prof. Akmaliddin Ehson o'g'li o'zining birinchi galdagi eng muhim ishlaridan biri bu tashkilotda strukturaviy o'zgarishlarni amalgan oshirish, Islom mamlakatlariga tashrif buyurib, bu borada tashabbuslarni qo'lga olish va o'sha yerlik aholining mazkur o'zgarishlar borasidagi fikrlarini bilishdan iborat ekanligini rasman e'lon qildi. 
      Prof. Ehson o'g'li yana qo'shimcha qilib bu kabi strukturaviy o'zgarishlar IKT faoliyatini yanada jadallashtiribgina qolmay, balki musulmon ummatiga yuz tutayotgan zamonaviy masalalar va muammolarning muvaffaqiyatli yechilishiga ham olib keladi va Islom diniga otilayotgan, jumladan, Islom terrorizmiga beparvo yoki u taraqqiyotga zid kabi har xil bo'htonlarning susayishiga ham sabab bo'ladi, dedi.

       Britaniya musulmonlari parlament nomzodlariga anketa savollari taqdimoti

      Britaniya musulmonlari yaqinda bo'ladigan saylovlarda ishtirok etmoqchi bo'lgan har bir nomzodga ular javob berishi taklif qilingan va o'zlarini qiziqtirgan savollar ro'yxatini tayyorlashdi. Bunday savollar tarkibidan Iroqdagi bo'layotgan voqealar, diniy maktablar sonining oshishi va diniy erkinlikka yanada keng yo'l ochilishini so'rovchi qonunlar qabul qilish va h. kabi mavzular o'rin olgan. 
      "Saylov jarayonida musulmonlarning faol ishtirok etishini so'raymiz. Ular unga o'ta diqqat bilan yondashishlari kerak, beparvolik bilan emas", deydi Britaniyadagi Musulmonlar Kengashining umumasalalr bo'yicha komitet vakili Sherxon janoblari. Mazkur tashkilotning spikeri Inoyat Bunglavala yaqin kunlarda London machitlarida mamlkatning uchta yirik partiyalari a'zolari - leyboristlar, konservatorlar va liberal-demokratlar bilan uchrashuvlar tashkil qilinishini e'lon qildi. 

                        2006 yilda 1-Islom sun'iy yo'ldoshi ish boshlshaydi

      21 dekabrda Qohirada tashkil etilgan "Sun'iy yo'ldosh" komitetining BAA vakili hamda Fatvo va tadqiqot bo'limi boshlig'i doktor Umar al-Xatibning so'zlariga ko'ra, 2006 y. 1-Islom sun'iy yo'ldoshi o'z faoliyatini boshlaydi.  Dok. Umar al-Xatib mazkur yo'ldosh orbitaga qamariy hisob bilan 15 oyda yetib borishini, bu proyekt 1997 y. Misrda Dar ul-Ifta tomonidan rejalashtirilganligining xabarini berdi.Al-Xatib janoblari: "Oyning qamariy hisobi xususida kelib chiqayotgan muammolar mazkur sun'iy yo'ldosh proyektining arab va musulmon olami tomonidan qo'llab-quvvatlanishiga olib keldi", dedi. Yana qo'shimcha qilib Islom ulamolari, IKT a'zolari va butun dunyo musulmonlar ligasini o'z ichiga olgan "Sun'iy yo'ldosh" komiteti o'z faoliyatini rasman 2005 y. yanvar oyidan boshlaydi va bu jarayon Qohira universitetining fazo tadqiqotlari markazi bilan hamkorlikda bo'lishi kerak, dedi. Oyning aniqlanishi musulmon xalqlari o'rtasida doimo bahsli mavzuga aylanib kelgan va hatto ulamolar ham bu borada turlicha fikrdalar. Mana shu muammoli mavzuga Islom sun'iy yo'ldoshi barham berishi kutilayapti."Koimtet uchrashuvi mobaynida olimlar mazkur sun'iy yo'ldosh Qohira universitetining fazo tadqiqotlari markazi tomonidan ishlab chiqilgan ko'rsatmalar va tafsilotlar asosida qurilib, Qohira shahrida qurilajak asosiy stantsiya va Makkada bunyod topajak yordamchi stantsiyalar orqali boshqarilishiga kelishishdi. Mazkur ikki stantsiya sun'iy yo'ldoshning faoliyatini nazorat qilib boradi va doimiy ishlab turishiga javobgardir", deb qo'shimcha qiladi al-Xatib janoblari. Islom mamlakatlari mazkur proyekt uchun 8 mln. AQSH dollari mablag' ajratishlari kerak. Ushbu sun'iy yo'ldosh yarim oyni to'la kuzatish uchun Yerga yaqin balandlikda uchadi. Yana u Makka va Qohira shaharlaridagi stantsiyalarga yarim oyning suratlarini jo'natib turadi. Al-Xatib janoblari bulardan tashqari sun'iy yo'ldoshning yana ko'plab afzalliklariga urg'u qaratdi.
                                  

All Rights Reserved © Copyright 2005   by  www.fikr.uz     

Hosted by uCoz